«Білім – мемлекеттік саясаттың басты құндылығы» тақырыбында сынып сағаттары өтті

2026 жылдың 8 сәуірінде №1 мектеп-гимназиясында 11-сынып оқушыларына арналған «Білім – мемлекеттік саясаттың басты құндылығы: жаңа Конституцияда айқындалған басымдықтар» тақырыбында бірыңғай сынып сағаттары өткізілді.
Іс-шара «Адал азамат» біртұтас тәрбие бағдарламасы аясында ұйымдастырылып, оқушылардың құқықтық сауаттылығын арттыру, жаңа Конституция мазмұнын түсіндіру және азаматтық жауапкершілікті қалыптастыруды мақсат етті.
Сынып сағаттары барлық 11-сыныптарда жоғары деңгейде өтіп, тәрбие ісі жөніндегі орынбасарлар Мейрамова Г.Т. мен Жумажановна Д.М. тарапынан әдістемелік қолдау көрсетілді.
Сабақ барысында оқушылар жаңа Конституцияның негізгі қағидаттарымен танысып, адам құқықтары мен бостандықтары, заң мен тәртіп, азаматтық міндеттер туралы білімдерін толықтырды. Практикалық бөлімде оқушылар топтарға бөлініп, интеллект-карталар құрастырды, жағдаяттық тапсырмаларды шешіп, пікірталастар ұйымдастырды.
Қолданылған заманауи әдістер оқушылардың сыни ойлау, талдау және топта жұмыс жасау дағдыларын дамытуға ықпал етті. Сабақтар барысында оқушылар белсенділік танытып, өз ойларын еркін жеткізе білді.
Нәтижесінде білім алушылар Конституция туралы түсініктерін кеңейтіп, өз құқықтары мен міндеттерін тереңірек ұғынды, қоғамдағы өз рөлін сезіне алды.
Өткізілген сынып сағаттары жоғары деңгейде ұйымдастырылып, қойылған мақсаттарға толық қол жеткізілді.